Draft AD/ART Pahompu Naburju

AD/ART PENGAJIAN PAHOMPU NABURJU 2016 (Online)
HATA PATUJOLO

Bismillahirrahmanirrahim

Puji syukur ma tu Tuhanta Allah SWT, jala shalawat dohot salam tu Rasul-Na, Muhammad SAW, sahabat dohot keluargana

Tamiang jala hata mauliate ma tadok tu akka ompunta, naung wafat jala namangolu, khususna tu KH Syech Buya ALi Akbar Marbun, Tuan Guru Mahmun Syarief/Pajuber Marbun/Op. Sultan Thaha Marbun, sai anggiatma panjang umurna jala denggan rezekina.

Marlas ni roha hita sonnari pasadahon angka namardongan tubu di tano pangarantoan saportibi dina marsada ni roha hita laho pajongjongkon sada pengajian “PAHOMPU NABURJU” songon namandalanton Dalihan Na Tolu dohot ulaon sosial, jala pahotton/patoguhon punguanta, sai talehon ma roha dohot pikkiranta laho pature ture punguanta on, jadi asa lam tarida angka holong marsihaholongan, di patupa hami do songon buku pedoman jala buku siingoton ni anggota/ruas.

Balintang ma pagabe Tumundalhon sitadaon, Arinta ma gabe molo denggan hita sude Anggota/ruas ni PENGAJIAN PAHOMPU NABURJU.


Jakarta/Online 5 Oktober 2016                




ANGGARAN DASAR PENGAJIAN PAHOMPU NABURJU

Pasal  I     Bentuk ni pungu
             Goar ni punguan, inganan di ojakkon.

Pasal II     Tujuan ni Punguan
             Asa marsada ni roha ma hita angka ulaon si las ni roha dohot arsak ni roha

Pasal III    Keanggotaan
             Sude angka pahompu Batak Muslim, khususna na masuk melalui pendaftaran.

Pasal IV     Kepengurusan
             Penasihat, Ketua, Sekretaris, Bendahara, sie Kerohanian, Humas.

Pasal V      Parhepengon
                     1.       Uang pangkal
                     2.       Uang Iuran bulanan
                     3.       Tekken less / partisipasi
                     4.       Donatur

Pasal VI     Hak dohot Kewajiban
             Rap mangulahon di angka ulaon si lasni roha dohot arsak ni roha

Pasal VII    Kegiatan

Riama hita lao mangadopi ulaon adat dohot sosial na masa di tonga-tonga ni punguanta dohot na hombar tu ulaon i. Patupahon do partangiangan sahali sabulan (secara online) molo mengijinkan.

Pasal VIII     Aturan dan Tambahan
                     1.       Patupahon do ganup taon Marhari Raya Idul Fitri manang Idul Adha
                     2.       Mangulahon daftar ulang keanggotaan
                     3.       Pahothon struktur organisasi
                     4.       Patorangkon Tugas ni Pengurus Punguan


ANGGARAN RUMAH TANGGA PENGAJIAN PAHOMPU NABURJU ONLINE

Pasal I
Bentuk  Punguan
Goar ni Punguan: Pengajian Pahompu Naburju Online
Diojakkon      : Facebook Massanger/Whatsapp
Tanggal        : 5 Oktober 2016

Pasal II
Tujuan ni Punguan
1. Patoguhan Iman jala Keyakinan tu Allah SWT
2. Mandalanton Dalihan Na Tolu (somba marhula - hula, elek Marboru, Manat mardongan tubu.
3. Patoguhon holong dihita akka anggota
4. Asa marsiurup urupan di sude ulaon na masa di punguanta

Pasal III
Keanggotaan
Keanggotaan Punguan
1. Torang di pabotohan di anggaran dasar
2. Na terdaftar di Buku Godang (Buku Bolon) melalui sekretaris
3. Parsidohot manolopi tujuan ni punguan
4. Mangalehon uang pangkal/pendaftaran dohot iuran bulanan

Pasal IV
Kepengurusan
1. Pendiri sebagai penasihat sifatna tetap
2. Periode Punguan sahali dua taon
3. Struktur pengurus Dohot tugas pengurus ni punguan

Tugas-tugas Pangurus ni Punguan

1.Pendiri/Penasihat             : Mangalehon panuturion/poda tu pengurus manang anggota
2. Ketua                        : Mangulahon uluan punguan
3. Wakil Ketua                  : Mangurupi mangganti ketua molo adong ulaon
4. Sekretaris                   : Mambahen Panuration na hombar tu ulaon
5. Wakil Sekretaris             : Mangurupi panuration na hombar tu ulaon
6. Bendahara                    : Manjalo dohot mangharuarhon parhepegon ni punguan
                                : Manimpan parhepengon ni punguan
                                : Mambahen na haruar sahali sataon dohot di akhir periode kepengurusan
7. Sie. Kerohanian              : Mangulahon ulaon, parhobas jala kepanitiaan ni acara offline
8. Humas                        : Pabotohon dohot mangulahon angka ulaon ni punguan

Pasal V
Parhepengon
1.       Uang pangkal: Godangna Rp. 50.000,-
2.       Uang iuran  : Rp. 15.000
3.       Kas punguan : dang boi pinjamphon tu anggota /pengurus manang diluar punguan
4.       Dikirim tu No.Rek Bendahara, hak kuasa tu Ketua dohot Pendiri, sebagai pertanggungjawaban

Pasal VI
Hak dohot Kewajiban
Hak ni anggota
1.       Anggota na pinda na kaluar maninggalhon arisan manang wafat molo adong anggota naso dapotan Arisan dope dang adong panggantian sian kas, alai lao do pengurus martagi/online
2.       Anggota berhak dohot manang daong di Arisan
3.       Anggota berhak mamillit dohot di pillit gabe pengurus ni punguan
4.       Anggota/ruas na pinda huhut membentuk punguan, dang mardalan hak dohot kewajiban
5.       Anggota/ruas na pinda manang na di pecat sian punguan dang be mardalan hak dohot kewajiban

Kewajjiban Anggota

1.       Mematuhi anggaran dasar/anggaran Rumah Tangga (AD/ART)
2.       Manggarar uang pangkal dohot iuran bulanan
3.       Anggota naso mambayar 3 bulan berturut-turut ditegor alai molo 4 bulan berturut-turut tanpa adong alasan jadi resmi ma keluar sian punguan, jala sude tunggakan iuran bulanan, sebelum na dohot arisan naung di jalona ikkon di garar.

Pasal VI
Kegiatan ni Punguan

Ulaon si las ni Roha
1.       Tu dakdanak na sorang pasahaton ni punguan do hepeng godangna Rp. 100.000 songon parsibadak
2.       Tu dakdanak na sorang jala sesar, pasahaton ni punguan do hepeng godang na Rp. 250.000
3.       Tu dakdanak ni anggota na marsohotan/mangadati, pasahoton ni punguan do tumpak Rp. 150.000,- manang Ulos
4.       Tu anggota na mangadati / pasahatton adat nagok manang sulang-sulang ni pahoppu jala di pabotohon tu punguan pasahaton ni punguan do ulos manang hepeng godang na  Rp. 150.000,- manang Ulos
5.       Di luar i dan mardalan ulaon ni pengajian, kecuali pribadi.


Ulaon arsak ni Roha
1.       Molo adong anggota (napadalatton kewajibanna) manang inakkon ni anggota na marsahit, jala opname 2 hari rodo (dikirim online) punguan jala lehonon ni punguan do pangurupion godangna Rp. 150.000,- huhut mardalan do tekken les minimal Rp. 10.000/kk

2.       Tu anggota (napadalatton kewajibanna) na monding Ama manang Ina ni punguan rodo punguan (dikirim online) mangalehon Gogo dohot pangurupion jala pasahaton ni punguan do hepeng godang na Rp. 300.000 sian kas huhut mamboan indahan sipaet - paet marbiaya Rp. 400.000,-  sian kas jala mardalan do pangurupion tekken les sian anggota minimal Rp. 10.000

3.      Tu ianakkon ni anggota (napadalatton kewajibanna) na monding rodo punguan (dikirim online) mangalehon gogo dohot pangurupion, jala pasahaton ni punguan do hepeng godang na Rp. 300.000,- sian kas, huhut mamboan indahan sipaet-paet marbiaya Rp. 400.000,- sian kas jala mardalan do pangurupion tekken les sian anggota minimal Rp. 10.000,-

4.       Tu natua tua ni anggota (napadalatton kewajibanna) na monding (napadalatton kewajibanna) (manang di bona pasogit) rodo (dikirim online) punguan manogar nagori huhut mamboan indahan si paet paet marbiaya Rp.250.000,- dohot hepeng  godang na Rp. 250.000,-sian kas jala mardalan do pangurupion tekken less sian anggota minimal Rp. 10.000,- / jala molo naung saur matua rodo punguan mamboan lappet na tonggi marbiaya Rp. 150.000,- sian kas.

5.       Tu anggota (napadalatton kewajibanna) na martinodohon (saudara kandung) molo adong sitaonon rap sude ma nasida dapot pangurupion alai molo manogar nogari tu sada keluarga ma didapothon punguan.

6.       Molo adong anggota (napadalatton kewajibanna) ni punguan manang ianakkon marsahit, kecelakaan manang rawat jalan rodo puguan mamboan silua ni tangan Rp.100.000,- sian kas.

7.       Molo adong ulaon mamboan indahan sipaet paet namangaloppa tu ulaon I tanggung jawab ni humas wilayah.

8.       Tu tanggungan ni anggota na terdaftar di buku godang  (buku bolon) ni sekretaris jala tinggal menetap di jabu ni anggota, molo marsahit diopname, kecelakaan, rawat jalan rodo punguan mangalehon pangurupion godang Rp. 100,000,-

9.       Musibah dan bencana alani banjir, kebakaran di padalan dana spontanitas (diatur pengurus )

Arisan dohot Partagiangan
1.       Patupaonta do arisan dohot partangiagan sahali sabulan di ari sabtu pertama pukul 16.00 wib (online)
2.       Mardalan do uang arisan sesuai musyawarah

Rapot – Rapot

1.       Pemilihan pangurus sahali dua taon untuk sa periode
2.       Rapot pengurus dohot rapot anggota
3.       Rapot pengurus tahunan
4.       Rapot pembentukan panitia dohot rapot panitia
5.       Rapot darurat (rapot mendadak)

Pasal VII
Aturan Tambahan

1.       Patupaon do Hari Raya Idul Fitri/Idusl Adha/Ziyarah sesuai dohot kesepakatan ni punguan
2.       Struktur organisasi PENGAJIAN PAHOMPU NABURJU ONLINE
3.       Uraian tugas ni pangurus
4.       Daftar anggota/ruas ni punguan
5.       Angka inventaris dohot sude dokumen diserah terimahan tu pengurus naimbaru
6.       Dan lain – lain

Pasal I
Penutup
1.       Sai sada ma rohanta laho manambor nambori punguan on asa lam tu denggan na tu joloan on
2.       Anggaran dasar/anggaran rumah tangga sifatna draft

Mauliate, Horas Jala Gabe

Wassalam

Jakarta/Penang 5 Oktober 2016

Pendiri/Penasihat:
Julkifli Marbun
Julkarnaen Marbun
Nursyahri Marbun